Göyçay rayonunda fərdi yaşayış evi yanıb.
APA-nın yerli bürosunun xəbərinə görə, hadisə bu gün saat 17:00 radələrində rayonun Çayarxı kəndində qeydə alınıb. Kənd sakini İsmayılov Ənvər Nuğay oğluna məxsus ümumi sahəsi 336 kv/m olan evdə baş verən yanğının söndürülməsi üçün əraziyə Göyçay Dövlət Yanğından Mühafizə Hissəsinin 3 yanğınsöndürən avtomobili və canlı qüvvəsi cəlb olunub. Evin 146 kv/m hissəsi yanıb, alovun genişlənməsinin qarşısı alınıb. Hadisənin hansı səbəbdən baş verdiyi hələ ki, məlum deyil.
Yanğın zamanı xəsarət alan olmayıb.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
