Göyçayda avtomobil qəzası zamanı xəsarət alan şəxslərdən 4-ün adı məlum olub.
APA-nın yerli bürosunun xəbərinə görə, hadisə zamanı "Volkswagen"in sürücüsü, Göyçay rayon Müskürlü kənd sakini, orta məktəb müəlliməsi Aynur İbrahimova, bacısı Nazənin İbrahimova, Gəncə şəhər sakini Nəzakət Abdullayeva, "VAZ-2107"nin sürücüsü Ramiz Hümbətov müxtəlif dərəcəli bədən xəsarətləri alıb.
Yaralılar Göyçay rayon Mərkəzi Xəstəxanasına aparılıb.
Faktla bağlı Göyçay rayon Polis Şöbəsi tərəfindən araşdırma aparılır.
***
saat 12:49
Göyçay rayonunda ağır yol-nəqliyyat hadisəsi baş verib.
APA-nın yerli bürosunun xəbərinə görə, hadisə bu gün saat 12:30 radələrində Göyçay-Ucar yolunun Çərəkə kəndi ərazisindən keçən hissəsində qeydə alınıb.
"Volkswagen" və "VAZ-2107" markalı minik avtomobillərinin toqquşması nəticəsində 5 nəfərin xəsarət aldığı bildirilir.
Yaralılar Göyçay rayon Mərkəzi Xəstəxanasına aparılıb. Onlardan birinin vəziyyəti daha ağırdır.
Faktla bağlı Göyçay rayon Polis Şöbəsi tərəfindən araşdırma aparılır.