Həftəsonu baş vermiş yol-nəqliyyat hadisələrində ölən və yaralananların sayı açıqlanıb.
Bu barədə APA-ya Daxili İşlər Nazirliyinin mətbuat xidmətindən məlumat verilib.
Bildirilib ki, son iki gündə ölkənin avtomobil yollarında baş verən yol-nəqliyyat hadisələri nəticəsində 5 nəfər ölüb, 9 nəfər isə xəsarət alıb.
Qəzalarda həyatını itirənlərdən iki nəfəri sürücü, üçü isə piyada olub.