Kürdəmirdə baş verən qəza nəticəsində xəsarət alanların şəxsiyyəti məlum olub.
APA-nın məlumatına görə, xəsarət alanların 3 nəfər olduğu bildirilir. Bunlar Kürdəmir rayonunun Carlı kənd sakinləri - 1984-cü il təvəllüdlü Aygül Əlhüseyn qızı Kərimova, 2006-cı il təvəllüdlü Rəhman Rəşid oğlu Kərimov və Xəlsə kənd sakini, 1938-ci il təvəllüdlü İsgəndər Həbiş oğlu Rəhimovdur.
***
14:02
Kürdəmirdə ölümlə nəticələnən yol qəzası baş verib.
APA-nın yerli bürosunun xəbərinə görə, hadisə Ağsu-Kürdəmir-İmişli yolunun Kürdəmir rayonunun Çöl-Ərəb kəndindən keçən hissəsində qeydə alınıb.
"VAZ 2106" markalı iki minik maşını toqquşub. Nəticədə sürüçülərdən biri, Kürdəmir rayonunun Mollakənd kənd sakini, 1995-ci il təvəllüdlü Aslan Rüstəm oğlu Xasanov hadisə yerində ölüb.
Şəxsiyyətləri hələlik məlum olmayan daha 2 nəfər Kürdəmir Rayon Mərkəzi Xəstəxanasına yerləşdirilib.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
