Kürdəmirdə iribuynuzlu heyvan 3 avtomobilin qəza törətməsinə səbəb olub.
APA-nın yerli bürosunun xəbərinə görə, hadisə Bakı-Qazax yolunun Kürdəmir rayonunun Qarabucaq kəndindən keçən hissəsində qeydə alınıb.
1954-cü il təvəllüdlü Gülməmməd Selan oğlu Dadaşov idarə etdiyi "Ford" markalı mikroavtobusla qarşısına çıxan iribuynuzlu heyvanı vurub. Hadisədən sonra arxadan gələn və Bərdə sakini, 1979-cu il təvəllüdlü Namiq Bayram oğlu Abbasovun idarə etdiyi "Mercedes" markalı minik maşını yolda ölüb qalmış iribuynuzlu heyvana çırpılıb. Daha sonra Bərdə sakini, 1982-ci il təvəllüdlü Samir Vaqif oğlu Abdullayev idarə etdiyi "Mercedes" markalı avtomaşınla hərəkətdə olarkən yolda ölüb qalmış heyvanı görüb. Sürücü sürəti azaldan zaman onun arxasınca sürətlə gələn "Volkswagen" markalı digər avtomaşın onun avtomobilinə çırpılıb və "Mercedes" yoldan çıxaraq su kanalına düşüb.
Nəticədə "Mercedes"də olan sərnişinlər - Bakı sakinləri, 1983-cü il təvəllüdlü Zakir Baxşəli oğlu Məhərrəmov, 1956-cı il təvəllüdlü Qalib Kərim oğlu Rəhimov, Bərdə sakini, 1988-ci il təvəllüdlü Vüsalə Mehman qızı Novruzova və "Ford"un sürücüsü G.Dadaşov müxtəlif növ bədən xəsarəti alıblar. Zərərçəkənlər Kürdəmir Rayon Mərkəzi Xəstəxanasının Travmatologiya şöbəsinə çatdırılıblar.
Fakt araşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
