Lerikdə baş verən yol qəzasında bir nəfər ölüb.
APA-nın cənub bürosunun verdiyi məlumata görə, hadisə rayonun Günəşli kəndində qeydə alınıb. Durğan kənd sakini, 1968-ci il təvəllüdlü Əliheydər Eyvazovun idarə etdiyi "UAZ" markalı avtomobil dərəyə yuvarlanıb.
Qəza nəticəsində Ə.Eyvazov hadisə yerində dünyasını dəyişib.
Onun meyiti aidiyyəti üzrə təhvil verilib.
Faktla bağlı araşdırma aparılır.