Fövqəladə Hallar Nazirliyi (FHN) Mingəçevir su anbarında batmaq təhlükəsi ilə üzləşən şəxsin xilas edilməsi barədə məlumat yayıb.
APA-nın xəbərinə görə, məlumatda bildirilir ki, iyunun 4-də FHN-in Kiçikhəcmli Gəmilərə Nəzarət və Sularda Xilasetmə Dövlət Xidməti tərəfindən Mingəçevir su anbarında, qeyri-çimərlik (nəzarətsiz) ərazidə çimərkən batmaq təhlükəsi ilə üzləşən 1 nəfər xilas olunub.
***
4 iyun, saat 22:22
Mingəçevir sakini, 2003-cü il təvəllüdlü Rəşidli Rüstəm su anbarı hövzəsində çimərkən batmaq təhlükəsi ilə üzləşib.
APA-nın Mingəçevir bürosunun məlumatına görə, FHN-in Aran Dalğıc Axtarış Qrupu son anda gənci xilas edərək sahilə çıxarıb.