Mingəçevirdə ölümlə nəticələnən yol-nəqliyyat hadisəsi baş verib.
APA-nın yerli bürosunun xəbərinə görə, “KamAZ” markalı yük maşını başqa bir avtomobillə toqquşub. Həmin avtomobil isə velosipedə çırpılıb. Nəticədə avtomobildə olan 1989-cu il təvəllüdlü Səfərov Rövşən Fəxrəddin oğlu və velosipedçi, 1990-cı təvəllüdlü Abdullayev Elman Yunis oğlu müxtəlif dərəcəli xəsarətlər alaraq xəstəxanaya çatdırılıb. Elman Abdullayevin həyatını xilas etmək mümkün olmayıb.
Faktla bağlı araşdırma aparılır.