Qobustanda iki yük avtomobili toqquşub, ölən və xəsarət alan var

Qobustanda iki yük avtomobili toqquşub, ölən və xəsarət alan var
  • Clock-gray 22:12
  • calendar-gray 20 Dekabr 2019

Bakı-Şamaxı yolunda ağır yol-nəqliyyat hadisəsi baş verib.

APA-nın yerli bürosunun xəbərinə görə, hadisə bu gün axşam saat 21:40 radələrində yolun 78-ci kilometrliyində, Qobustan rayonunun Ceyrankeçməz adlı ərazisində qeydə alınıb.

"Mercedes" markalı yük avtomobili qarşı tərəfdə eyni istiqamətdə hərəkətdə olan "KamAZ" markalı yük avtomobilinə arxa tərəfdən çırpılıb. Hadisə zamanı "Mercedes"də olan sərnişin aldığı ağır xəsarətlər səbəbindən hadisə yerində ölüb, sürücü ağır xəsarət alıb.

Hadisə yerinə FHN-in xilasediciləri cəlb olunub. Deformasiyaya uğramış avtomobildə sıxılmış vəziyyətdə qalaraq dünyasını dəyişən və xəsarət alan şəxslərin çıxarılması üçün xilasetmə işlərinə başlanılıb.

Faktla bağlı araşdırma aparılır.

Şahnəzər Bəşirov

Digər xəbərlər

Arxiv

date