Samuxda yaşayış yerini tərk edən koronavirus xəstələri məsuliyyətə cəlb edilib

Samuxda yaşayış yerini tərk edən koronavirus xəstələri məsuliyyətə cəlb edilib
  • Clock-gray 10:23
  • calendar-gray 25 Noyabr 2020

Samuxda yaşayış yerini tərk edən koronavirus xəstələri məsuliyyətə cəlb edilib.

Bu barədə APA-ya Daxili İşlər Nazirliyinin  Mətbuat Xidmətinin Gəncə şəhərindəki regional qrupundan bildirilib.

Verilən məlumata görə, Samux rayon Polis Şöbəsinin (RPŞ) əməkdaşları tərəfindən keçirilən müvafiq tədbirlər nəticəsində koronavirus testinin nəticəsi pozitiv çıxan, rayon sakini Fəxrəddin Quliyev və rayonun Sərkar kənd sakini Sevinc İsgəndərovanın ev şəraitində müalicə almasına baxmayaraq, karantin qaydalarını kobud şəkildə pozaraq, yaşadıqları ünvanı tərk etmələri müəyyən edilib. Polis əməkdaşları dərhal onların rayon ərazisində yerini müəyyən edərək, müəyyən edilmiş tibbi prosedurlar gözlənilməklə yaşadıqları ünvana göndərib.

Həmin şəxslər barəsində RPŞ-nin İstintaq Qrupunda  Azərbaycan Respublikasının Cinayət  Məcəlləsinin 139-1. (Epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə canyət işi başlanıb, faktla bağlı araşdırmalar davam etdirilir.

Fuad Nazimoğlu

Digər xəbərlər