Şəkidə dağlıq ərazidə 150 hektar sahə yanıb

Şəkidə dağlıq ərazidə 150 hektar sahə yanıb
  • Clock-gray 08:52
  • calendar-gray 17 İyul 2020

 

İyulun 16-sı axşam saat 20:30 radələrində Şəkinin Daşbulaq kəndinin inzibati ərazisinə bitişik dağlıq yaylaq ərazidə yanğın baş verib. 

APA-nın şimal-qərb bürosunun məlumatına görə, yanğın genişlənərək 150 hektar ərazini bürüyüb. 

Yanğın nəticəsində ərazidəki kol-kos, quru ot və xırda ağaclar yanıb.

Hadisə yerinə Fövqaladə Hallar Nazirliyinin (FHN) Şəki rayon Dövlət Yanğından Mühafizə Hissəsinin texnikaları və 30-a yaxın şəxsi heyəti və müvafiq qurumlar və yerli sakinlər cəlb edilib. 

Yanğının yaxınlıqdakı meşə zolağına keçməsinin qarşısı alınıb. Yanğın zamanı xəsarət alan olmayıb.

Faktla bağlı araşdırma aparılır.

 

Vüqar Heydərov

Digər xəbərlər