Sumqayıtda 3 avtomobilin iştirakı ilə yol-nəqliyyat hadisəsi baş verib.
APA-nın yerli bürosunun verdiyi xəbərə görə, qəza şəhərin Cəlil Məmmədquluzadə küçəsində qeydə alınıb. Belə ki, hərəkətdə olan "Opel Zafira" markalı avtomobilin sürücüsü idarəetməni itirərək minik vasitəsini "Mercedes" markalı avtomobilə çırpıb. Zərbənin gücündən "Mercedes" yol kənarında dayanan digər "Mercesedes" markalı avtomobilə dəyib.
Nəticədə yol kənarında dayanan avtomobil yolu keçmək istəyən azyaşlını vurub.
Ağır bədən xəsarətləri alan 12 yaşlı Qurbanov Elmir Elxan oğlu Sumqayıt Təcili Tibbi Yardım Xəstəxanasına aparılıb.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
