Xaçmaz rayonunda yaşayış evi yanıb.
APA-nın şimal bürosunun verdiyi məlumata görə, hadisə rayonun Nərəcan kəndində qeydə alınıb.
Kənd sakini İslam Musayevə məxsus ikimərtəbəli evdə başlayan yanğını söndürmək üçün əraziyə Xaçmaz Dövlət Yanğından Mühafizə hissəsinin 2 yanğınsöndürən maşını və canlı qüvvəsi cəlb olunub.
Yanğın zamanı xəsarət alan olmasa da, evə ciddi ziyan dəyib. Alovun daha geniş əraziyə yayılmasının qarşısı alınıb.
Yanğının səbəbləri araşdırılır.