Yevlaxda yol qəzası baş verib.
APA-nın Mingəçevir bürosunun məlumatına görə, hadisə Yevlax-Bərdə avtomobil yolunun 4-cü kilometrliyində qeydə alınıb. “VAZ” markalı avtomobil “Mercedes” markalı minik maşınına çırpılıb. Zərbənin təsirindən “Mercedes” aşıb.
Qəza nəticəsində xəsarət alan Yevlax sakinləri – 1998-ci il təvəllüdlü Baloğlanlı Həmid Qabil oğlu və 1990-cı il təvəllüdlü Babayev Sarvan İsmayıl oğlu Xəstəxanaya yerləşdiriliblər.
Faktla bağlı araşdırma aparılır.