Yevlaxda bir neçə nəfərin xəsarət alması ilə nəticələnən yol-nəqliyyat hadisəsi baş verib.
APA-nın Mingəçevir bürosunun məlumatına görə, hadisə Bakı-Qazax yolunun 315-ci kilometrliyində, Yevlaxın Nemətabad kəndi yaxınlığından keçən hissəsində qeydə alınıb.
“VAZ-2109” və “VAZ-2101” markalı avtomobillərin toqquşması nəticəsində iki qadın sərnişin müxtəlif bədən xəsarətləri alıb.
Xəsarət alanlar – Yevlax rayon sakinləri, 1966-cı il təvəllüdlü Atakişiyeva Münəvvər Həsən qızı və 1950-ci il təvəllüdlü Cəfərova Səmayə Usub qızı xəstəxanaya yerləşdiriliblər.
Xəsarəti yüngül olan sürücülərə isə yerində yardım göstərilib.
Faktla bağlı araşdırma aparılır.