Zaqatalada yol qəzasında vəzifəli şəxs xəsarət alıb

Zaqatalada yol qəzasında vəzifəli şəxs xəsarət alıb
  • Clock-gray 09:51
  • calendar-gray 08 Aprel 2021

Zaqatala baş verən yol qəzasında biri ağır olmaqla iki nəfər xəsarət alıb.

APA-nın şimal-qərb bürosunun məlumatına görə, hadisə bu gün səhər saatlarında Zaqatala-Qax avtomobil yolunun Zaqatala rayonunun Muxax kəndindən keçən hissəsində baş verib. 

1991-ci il təvəllüdlü Elbrus Yaqub oğlu Məmmədovun idarə etdiyi “BMV” markalı minik avtomobili ilə rayonun Muxax kənd sakini Hacı Məhəmməd Ramiz oğlu Yusubovun idarə etdiyi “VAZ 21099” markalı minik avtomobili toqquşub. Qəza zamanı hər iki avtomobilin sürücüsü müxtəlif dərəcəli bədən xəsarətləri alıb. 

H. Yusubovun vəziyyətinin qismən ağır olduğu bildirilir. Hər iki yaralı Zaqatala Rayon Mərkəzi Xəstəxanasına yerləşdirilib. 

Qeyd edək ki, qəzaya düşən E. Məmmədov Zaqatala rayon İcra Hakimiyyəti başçısının Zaqatala şəhəri üzrə icra nümayəndəsinin müavini vəzifəsində işləyir.

Faktla bağlı araşdırma aparılır.

apa-logo-mini

Digər xəbərlər