Avropa Gənclər Yay Olimpiya Festivalının ikinci günündə idman məkanlarında növbətçilik edən Təcili Tibbi yardım briqadalarına idmançılar tərəfindən ümumilikdə 6 müraciət olub.
Bu barədə APA-nın sorğusuna cavab olaraq Səhiyyə Nazirliyindən bildirilib.
Məlumata görə, müraciətlərdən 5-i xırda travmalarla əlaqəli olduğundan həkimlər idmançılara yerində yardım ediblər. 18 yaşlı türkiyəli basketbolçu sol diz oynağının travması ilə müraciət edib. Onu Təcili Tibbi yardım briqadası Kliniki Tibbi Mərkəzə çatdırıb. İdmançı yardım edildikdən sonra buraxılıb. Vəziyyəti normaldır.