Fövqəladə Hallar Nazirliyi Bakıda avtomobil ehtiyat hissələrinin satışı mağazasında baş verən yanğınla bağlı məlumat yayıb.
APA-nın FHN-in saytına istinadən verdiyi məlumata görə, Bakı şəhərinin Nizami rayonunda dördmərtəbəli avtomobil ehtiyat hissələrinin satışı mağazasının zirzəmisində ümumi sahəsi 6 m² olan köməkçi otağın tavanı 2 m² sahədə yanıb.
Tikilinin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
***
08.46
Bakıda yanğın hadisəsi baş verib.
APA-nın hadisə yerində olan müxbiri xəbər verir ki, hadisə Babək prospektində yerləşən "Forsage" mağazasında qeydə alınıb.
Yanğınla bağlı əraziyə Xətai rayon Yanğından Mühafizə Hissəsinin 3 yanğınsöndürən avtomobili, 20 yaxın şəxsi həyəti cəlb olunub.
Yanğın qısa müddətə lokallaşdırılaraq söndürülüb.