Balakəndə baş verən yol qəzasında beş nəfər xəsarət alıb.
APA-nın Şimal-qərb bürosunun məlumatına görə, hadisə ötən gün axşam saatlarında rayonun Talalar kəndi ərazisində baş verib.
Rayon sakini Azər Hacıyevin idarə etdiyi “VAZ-2104” markalı minik avtomobili hərəkətdə olarkən atı vurub. Qəza zamanı sürücü A.Hacıyev və sərnişinləri - 2005-ci il təvəllüdlü rayonun Hənifə kənd sakini Əmrah Həsənov, 2005-ci il təvəllüdlü Qazma kənd sakini Fərid Zohorov, 1996-cı il təvəllüdlü Talalar kənd sakini Amid Bayramov, 2004-cü il təvəllüdlü Qazma kənd sakini Ərəstun Müftəliyev müxrəlif dərəcəli bədən xəsarətləri alıblar.
Onlar Balakən Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.