Biləsuvarda avtomobil aşıb.
APA-nın cənub bürosunun verdiyi məlumata görə, qəza hadisəsi rayonun Çaylı kəndi ərazisində baş verib.
DİN-in Mətbuat xidmətinin Lənkəran regional qrupunun baş inspektoru, polis kapitanı Məhəmməd Rzayev APA-ya bildirib ki, yanvarın 6-da saat 14:30 radələrində Biləsuvar rayonunun İsmətli kənd sakini Eybulla Cəbrayılov idarə etdiyi “Saipa” markalı avtomobillə Biləsuvar-Bəhrəmtəpə yolunun Çaylı kəndi ərazisindən keçən hissəsində hərəkətdə olarkən idarəetməni itirib və nəqliyyat vasitəsi yoldan çıxaraq aşıb. Nəticədə sürücü aldığı xəsarətlərdən ölüb.
Faktla bağlı Biləsuvar Rayon Polis Şöbəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
