TƏBİB Buzovnada iki gün əvvəl evə basqın zamanı bıçaqlanan qadının xəstəxanada ölməsi barədə məlumat yayıb.
TƏBİB-dən APA-ya verilən məlumatda bildirilib ki, Xəzər rayonu, Buzovna qəsəbəsində 29 noyabr tarixində baş verən hadisə nəticəsində xəsarət alaraq TƏBİB-in tabeliyindəki Sabunçu Tibb Mərkəzinə yerləşdirilən 1945-ci il təvəllüdlü Şahirə Muradova dekabrın 1-i saat 03:00 radələrində tibbi müdaxilələrə baxmayaraq dünyasını dəyişib.
Qeyd edilib ki, eyni hadisə nəticəsində xəsarət alan 1997-ci il təvəllüdlü Elbrus Ağalarov isə zəruri tibbi xidmətlər aldıqdan sonra həkimlərin rəyi ilə evə buraxılıb.
***
15.39
Buzovnada iki gün əvvəl evə basqın zaman başından bıçaqlanan qadın ölüb.
APA xəbər verir ki, 1945-ci il təvəllüdlü Şahirə Muradova bu gün xəstəxanada keçinib.
Baş Prokurorluğun mətbuat xidmətindən APA-ya faktı təsdiqləyiblər. Bildirilib ki, faktla bağlı araşdırma aparılır.
Bununla da hadisə nəticəsində ölənlərin sayı 3-ə çatıb.
Qeyd edək ki, noyabrın 29-da saat 20 radələrində paytaxtın Xəzər rayonu, Buzovna qəsəbəsində evə basqın edilib. Basqın zamanı 1939-cu il təvəllüdlü Elbrus Muradov bıçaqlanaraq öldürülüb. Onun bıçaq xəsarətləri alan həyat yoldaşı, 1945-ci il təvəllüdlü Şahirə Muradova, oğlu 1971-ci il təvəllüdlü Rahil Muradov və nəvəsi 1997-ci il təvəllüdlü Elbrus Ağalarov xəstəxanaya yerləşdirilib.
Rahil Muradov həmin gün xəstəxanada ölüb.
Hadisənin hansı şəraitdə baş verdiyi hələlik məlum deyil.
Faktla bağlı hüquq-mühafizə orqanları tərəfindən araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
