Nəqliyyatda Baş Polis İdarəsinin Dəmiryolu Nəqliyyatında Polis İdarəsinin İmişli stansiya Xətt Polis Şöbəsinin Şirvan stansiya Xətt Polis Bölməsinin əməkdaşlarının keçirdiyi tədbirlər nəticəsində "Azərbaycan Dəmir Yolları" QSC-yə məxsus kontakt mis naqilləri oğurlayan şəxslər saxlanılıb.
Daxili İşlər Nazirliyinin Mətbuat xidmətinin Şirvan regional qrupundan APA-ya verilən məlumata görə, Şirvan stansiya Xətt Polis Bölməsinin əməkdaşları tərəfindən həyata keçirilən əməliyyat-axtarış tədbirləri ilə Şirvan-Osmanlı dəmiryolu mənzilinin 53-cü kilometrliyində, Şirvan Enerji Təchizatı Sahəsinə məxsus uzunluğu 250 metr, dəyəri isə 10000 manata yaxın olan qoşa kontakt mis naqili oğurlamaqda şübhəli bilinən Şirvan şəhər sakinləri Ə.Əliyusifli və F.Rüstəmov, eləcə də Sabirabad rayon sakini R.Məmmədov saxlanılıblar.
Dindirilmə zamanı həmin şəxslər törətdikləri oğurluq hadisəsini etiraf edərək əldə etdikləri mis naqili Hacıqabul rayon sakini İ.Quluzadəyə 3000 manata satdıqlarını bildiriblər. İ.Quluzadə də polis əməkdaşları tərəfindən saxlanılıb və çəkisi 355 kiloqram olan mis naqil maddi sübut kimi ondan götürülüb.
Faktla bağlı İmişli stansiya Xətt Polis Şöbəsində cinayət işi açılıb, araşdırmalar davam etdirilir.
Dəmir yolundan 10 min manatlıq oğurluq edilib
15 noyabr 2022 10:17 (UTC +04:00)
Hadisə
Füzulidə 21 yaşlı oğlanın qətli ilə bağlı məhkəmə başlayır
17:25
19 aprel 2024
FHN əməliyyat görüntüləri yayıb - VİDEO
17:12
19 aprel 2024
Cinayət yolu ilə vurulmuş 77 milyon manat maddi ziyanın 80 faizi istintaq prosesində ödənilib
17:10
19 aprel 2024
Nazirlik: Yol qəzalarının sayında azalma qeydə alınıb
17:04
19 aprel 2024