"Attraksionlar ildə ən azı bir dəfə yoxlanılır. Tərəfimizdən attraksionların hər birinə ayrılıqda baxış keçirilir və bütün atraksionların qeydiyyatı aparılır".
APA xəbər verir ki, bunu Fövqəladə Hallar Nazirliyinin Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyinin Qazan, qaldırıcı və energetika qurğularında işlərin təhlükəsiz görülməsinə nəzarət müfəttişliyinin rəisi Sahil Mənsimov bildirib.
Sahil Mənsimov deyib ki, hansısa qəzalı vəziyyət olduqda dərhal müdaxilə edilir və problem aradan qaldırıldıqdan sonra insanların istifadəsinə verilir: “Eyni zamanda, attraksionlarda fəaliyyət göstərən işçilərin bilikləri yoxlanılır, müayinədən keçirilir, daha sonra isə onlara sertifikatlar təqdim olunur".
Onun sözlərinə görə, ötən ay, ümumiyyətlə, bu il boyu attraksionlarda xəsarət alan olmayıb.
Aysel Şahmar
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
