Bəzi media qurumları və sosial şəbəkələrdə bu gün Bakının Nəsimi rayonu Azadlıq prospektində yaşayış binasında yanğın baş verməsi, sakinlərin təxliyə olunması barədə məlumatlar yayılıb.
Fövqəladə Hallar Nazirliyindən (FHN) APA-ya bildirilib ki, bu gün səhər saatlarında Azadlıq prospekti, 89 ünvanında beşmərtəbəli binanın 5-ci mərtəbəsində yerləşən mənzildə paltaryuyan maşının tüstülənməsi barədə məlumat daxil olub.
Dərhal hadisə yerinə FHN-in Dövlət Yanğından Mühafizə Xidmətinin yanğınsöndürmə briqadaları cəlb olunub.
Yanğınsöndürənlər hadisə yerinə baxış keçirərkən məlum olub ki, tüstülənmənin qarşısı ev sakini tərəfindən alınıb, heç bir yanğın hadisəsi baş verməyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
