FHN qızıl emalı zavodundakı yanğınla bağlı məlumat yayıb - YENİLƏNİB

FHN qızıl emalı zavodundakı yanğınla bağlı məlumat yayıb - YENİLƏNİB
# 06 yanvar 2023 21:22 (UTC +04:00)

Fövqəladə Hallar Nazirliyi Gədəbəy rayonunun Arıqdam kəndində qızıl emalı zavodunda baş verən yanğınla bağlı məlumat yayıb.

Nazirlikdən APA-ya bildirilib ki, Gədəbəy Rayon Yanğından Mühafizə Hissəsinin qüvvələri hadisə yerinə cəlb edilib.

Hadisə yerində əməliyyat şəraiti qiymətləndirilərkən yanğının mis-qızıl zavodunun platasiya sexində baş verdiyi məlum olub.

Əməliyyat şəraitinə uyğun olaraq yanğınsöndürənlər tərəfindən həyata keçirilmiş operativ tədbirlər sayəsində yanğın genişlənməsinə imkan verilmədən qısa müddətdə söndürülüb.

Yanğın nəticəsində ümumi sahəsi 2 100 m² olan platasiya sexinin yüngül metal konstruksiyalardan ibarət üzlük hissəsi 180 m² sahədə, pres filter avadanlığının yanar hissələri, mühərriklər, nasos avadanlıqları, elektrik kabelləri və elektrik panelləri yanıb.

Sexin qalan hissəsi yanğından mühafizə olunub.

***

19.10

Gədəbəydə qızıl mədənində baş verən yanğının təfərrüatları məlum olub.

APA-nın yerli bürosunun məlumatına görə, yanğın “Azerbaijan İnternational Mining Company Limited” şirkətinin qızıl mədənində flotsiya sexində elektrik naqillərində baş verən qısaqapanma səbəbindən baş verib.

Hadisə zamanı flotasiya sexinin divar örtükləri, 2 ədəd filter press avadanlığı, 30 metrlik konveyer, mühərriklər, nasoslar, elektrik şiti, kameralar yanıb.

Günorta saatlarında qeydə alınan yanğın ümumi sahəsi 2 100 kvadratmetr olan sexin 180 kvadratmetrini əhatə edib.

Yanğın zamanı zəhərlənən 8 nəfər - 41 yaşlı Ayaz Ələsgərov, 37 yaşlı Etibar Nəsibov, 34 yaşlı Elburus Alıyev, 29 yaşlı Füzuli Muxtarov, 44 yaşlı Anar Abdullayev, 40 yaşlı Anar Şirinov, 29 yaşlı Yusif Nuriyev və 44 yaşlı Rafiq Məmmədov Gədəbəy Mərkəzi Rayon Xəstəxanasına çatdırılıb. Tibb müəssisəsində ilkin yardım göstərilən şəxslər artıq evə buraxılıb.

#
#

ƏMƏLİYYAT İCRA OLUNUR