Gəncədə piyadanın ölümü ilə nəticələnən yol-nəqliyyat hadisəsi baş verib.
APA-nın yerli bürosunun məlumatına görə, hadisə şəhərin Atatürk prospektində qeydə alınıb.
Hərəkətdə olan 15 saylı xətt üzrə işləyən "İveco Otoyol" markalı sərnişin avtobus yolu keçmək istəyən 1972-ci il təvəllüdlü Ruslan İbrahimzadəni vurub.
O, xəstəxanaya aparılarkən yolda dünyasını dəyişib.
Faktla bağlı araşdırma aparılır.