İnsan alverində təqsirləndirilən qadın məhkəmə zalından azadlığa buraxılıb

İnsan alverində təqsirləndirilən qadın məhkəmə zalından azadlığa buraxılıb
# 23 noyabr 2022 15:29 (UTC +04:00)

İnsan alverində təqsirləndirilən Elnarə Məmmədovanın cinayət işi üzrə məhkəmə prosesi başa çatıb.

APA xəbər verir ki, Bakı Ağır Cinayətlər Məhkəməsində hakim Məhəmməd Əkbərovun sədrliyi ilə keçirilən prosesdə hökm oxunub.

Hökmə əsasən, Elnarə Məmmədova barəsində hökmün icrası təxirə salınıb və məhkəmə zalından azadlığa buraxılıb.

Qeyd edək ki, Elnarə Məmmədova barəsində Cinayət Məcəlləsinin 144-1.2.5-ci (İnsan alveri qabaqcadan əlbir olan bir qrup şəxs, mütəşəkkil dəstə və ya cinayətkar birlik (cinayətkar təşkilat) tərəfindən törədildikdə) maddəsi ilə ittiham elan olunub.

Elnarə Məmmədova öz qurbanlarını 2020-ci ilə qədər Türkiyənin Aydın şəhərinə aparıb. Burada onlara işləyəcəkləri ilə bağlı söz versə də, sonradan cinsi münasibət qurmağa vadar edib.

Zərərçəkmiş 4 qadının hər biri Bakı şəhəri Sabunçu rayonu, Ramana qəsəbəsində "Sovxoz" adlanan ərazidə yaşayıblar.

Onlar 1983-cü il təvəllüdlü S. Q, 1997-ci il təvəllüdlü J. Ə, 1999-cu il təvəllüdlü M. Ə və 1984-cü il təvəllüdlü G. M-dır.

#
#

ƏMƏLİYYAT İCRA OLUNUR