Kürdəmirdə 3 nəfərin xəsarət alması ilə nəticələnən yol qəzası baş verib.
APA-nın yerli bürosunun xəbərinə görə, hadisə Kürdəmir-Zərdab yolunun Sovla kəndindən keçən hissəsində qeydə alınıb.
"Hyundai Elantra" markalı minik maşını ilə "Hyundai Santafe" markalı avtomaşın toqquşub.
Nəticədə "Hyundai Elantra"da olan bir ailənin üzvləri Ağcabədi rayon sakinləri - sürücü, 1989-cu il təvəllüdlü Əliyeva Günel Əbülfəz qızı və onun övladları, 2008-ci il təvəllüdlü Alıyeva Asina və 2004-cü il təvəllüdlü Alıyeva Məryəm Qulu qızları müxtəlif dərəcəli bədən xəsarətləri alıblar.
Yaralılar Kürdəmir Rayon Mərkəzi Xəstəxanasına aparılıb və həkim nəzarətinə götürülüblər.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
