Lənkəranda qətl hadisəsi baş verib.
APA-nın cənub bürosunun verdiyi xəbərə görə, rayonun Sütəmurdov kəndində tanışı ilə mübahisə zamanı 1995-ci il təvəllüdlü Lənkəran rayon sakini Zakir Əbülfəz oğlu İbrahimzadə sol budundan bıçaqlanıb.
Ağır yaralanan gənc Lənkəran Rayon Mərkəzi Xəstəxanasına yerləşdirilib. Z. İbrahimzadə orada dünyasını dəyişib.
Hadisəni Lənkəran şəhər sakini, 2000-ci il təvəllüdlü Hüseyn Ağa oğlu Nəzərlinin törətdiyi bildirilir. Onun bıçaqladığı Z. İbrahimzadəni xəstəxanaya apardığı və könüllü olaraq hüquq-mühafizə orqanlarına təslim olduğu bildirilir.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
