Lənkəranda ölümlə nəticələnən yol qəzası baş verib.
APA-nın cənub bürosunun verdiyi məlumata görə, hadisə Lənkəran-Boradigah yolunun Vilvan kəndi ərazisindən keçən hissəsində qeydə alınıb. Lənkəranın Osakücə kənd sakini, 1953-cü il təvəllüdlü Şəmsəddin Babayevin idarə etdiyi “VAZ-2107” markalı minik avtomobili qarşıdan gələn Astara rayon sakini, 1989-cu il təvəllüdlü Rauf Əliyevin idarə etdiyi "Mercedes" markalı yük maşını ilə toqquşub.
Qəza nəticəsində “VAZ-2107” yol kənarındakı elektrik dirəyinə çırpılıb və sürücü, Ş.Babayev hadisə yerində keçinib.
Qeyd edək ki, Ş.Babayev təqaüddə olan polis zabitidir.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
