Bakıda məktəblinin özünü binadan ataraq intihar etməsi ilə bağlı araşdırma aparılır.
Bu barədə APA-nın sorğusuna cavab olaraq Baş Prokurorluğun mətbuat xidmətindən bildirilib.
Qeyd olunub ki, hazırda Nərimanov rayon prokurorluğunda hadisənin baş vermə səbəbi araşdırılır.
Qeyd edək ki, 2005-ci il təvəllüdlü Ayla ötən gecə özünü yaşadığı binanın 13-cü mərtəbəsindən atıb.
***
00.33
Nərimanov rayonunda intihar hadisəsi baş verib.
APA-nın əldə etdiyi xəbərə görə, hadisə Aşıq Molla Cümə küçəsində qeydə alınıb.
Həmin ərazidə yaşayan Ayla adlı 17 yaşlı qız özünü yaşadığı binanın 13-cü mərtəbəsindən atıb. O, hadisə yerində dünyasını dəyişib.
Məlumata görə, Ayla 11-ci sinif şagirdi olub.
Faktla bağlı araşdırma başlayıb.