Prokurorluq Neftçalada baş verən qətl barədə məlumat yayıb.
Neftçala rayon prokurorluğundan APA-ya verilən məlumata görə, avqustun 30-u saat 12 radələrində 1957-ci il təvəllüdlü Səxavət Əliyevin yaşadığı evdə öldürülməsi barədə rayon prokurorluğuna məlumat daxil olub.
Aparılmış araşdırmalarla zərərçəkmişin həmkəndlisi, 1984-cü il təvəllüdlü Saleh Qurbanovun şəxsi münasibətlər zəminində aralarında yaranmış mübahisə zamanı kəsici-deşici alətlə xəsarətlər yetirərək Səxavət Əliyevi qəsdən öldürməsinə əsaslı şübhələr müəyyən edilib.
Faktla bağlı Neftçala rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Saleh Qurbanov şübhəli şəxs qismində tutularaq istintaqa cəlb edilib.
İstintaq tədbirləri davam etdirilir.
***
12.22
Neftçalada qətl hadisəsi baş verib.
APA-nın Mil-Muğan bürosunun məlumatına görə, hadisə Neftçala rayonunun Xıllı kəndində baş verib. Həmin kəndin sakini, 1984-cü il təvəllüdlü Qurbanov Saleh Valeh oğlu həmyerlisi 1957-ci təvəllüdlü Əliyev Səxavət Məclum oğlunu öz evində bıçaqla qətlə yetirib.
Hadisənin qısqanclıq zəminində baş verdiyi bildirilir.
Faktla bağlı Neftçala rayon prokurorluğunda cinayət işi açılıb, araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
