Nəşriyyat rəhbərinin evindən 200 min dollar oğurlayan xadimənin istintaqı yekunlaşıb

Nəşriyyat rəhbərinin evindən 200 min dollar oğurlayan xadimənin istintaqı yekunlaşıb
# 21 aprel 2022 09:33 (UTC +04:00)

Bakıda külli miqdarda oğurluqda təqsirləndirilən Lamiyə Abbasovanın cinayət işi üzrə ibtidai istintaq yekunlaşıb.

APA-nın xəbərinə görə, təqsirləndirilən şəxs barəsində toplanan cinayət işi materialları baxılması üçün Bakı Ağır Cinayətlər Məhkəməsinə göndərilib. İş hakim İlham Mahmudovun icraatına verilib.

Qeyd edək ki, hadisə ötən il Nəsimi rayonu Dilarə Əliyeva küçəsindəki binalardan birində qeydə alınıb.

Orada yaşayan, “Şərq-Qərb” nəşriyyatının rəhbəri Mehdiyev Asəf Mehdiyeviçin evindən 200 000 ABŞ dolları oğurlanıb.

Hüquq-mühafizə orqanları keçirdiyi əməliyyat-axtarış əməliyyatları zamanı oğurluğu törətməkdə təqsirləndirilən evin xadiməsi Lamiyə Abbasova tutulub.

Onu da qeyd edək ki, Asəf Mehdiyevin AMEA-nın sabiq prezidenti Ramiz Mehdiyevin yaxın adamı olduğu bildirilir. Belə ki, R.Mehdiyevin əksər kitabları “Şərq-Qərb” nəşriyyatında çap olunub.

#
#

ƏMƏLİYYAT İCRA OLUNUR