Qəbələ-Ağdaş yolunda baş verən qəzada ölən və xəsarət alanların kimliyi bilinib.
APA-nın yerli bürosunun xəbərinə görə, hadisə nəticəsində sürücü - 1983-cü il təvəllüdlü Əliyev Sadiq Saim oğlu ölüb.
Digər avtomobildəki sürücü Elsevər Cəfərov və sərnişinləri xəsarət alıblar.
Xəsarət alan hər üç sərnişin Mingəçevir şəhər sakinləridir:
Yaqub Səfərov (1979);
Tural Qarayev (1987);
Mehriban Səfərova (1996);
***
Saat 21:33
Qəbələ-Ağdaş avtomobil yolunda ölümlə nəticələnən ağır yol-nəqliyyat hadisəsi baş verib.
APA-nın yerli bürosunun xəbərinə görə, hadisə bu gün axşam saatlarında Qəbələnin Savalan kəndi ərazisində qeydə alınıb.
“Mercedes” markalı iki minik avtomobilinin toqquşması nəticəsində 1983-cü il təvəllüdlü Sadiq Əliyev, aldığı ağır xəsarətlər səbəbindən hadisə yerində ölüb.
Yaralanan dörd nəfər isə xəstəxanaya aparılıb.
Faktla bağlı Qəbələ rayon Polis Şöbəsi tərəfindən araşdırma aparılır.