Respublikanın avtomobil yollarında son vəziyyət açıqlanıb - VİDEO - YENİLƏNİB

Respublikanın avtomobil yollarında son vəziyyət açıqlanıb - VİDEO  - YENİLƏNİB
# 09 yanvar 2023 17:35 (UTC +04:00)

Respublika avtomobil yollarındakı son vəziyyət açıqlanıb.

DİN-in Baş Dövlət Yol Polisi İdarəsinin şöbə rəisi, polis mayoru Rövşən Tağıyev APA-ya bildirib ki, respublikada heç bir yolda məhdudlaşdırılma yoxdur:

“Sadəcə, müəyyən bir müddət yolların təmizlənməsi üçün xüsusi texnikanın rahat hərəkəti üçün bəzi yollarda hərəkət müvəqqəti dayandırılır və qısa müddət ərzində hərəkət bərpa olunur.

Magistral yolların heç birində nəqliyyatın hərəkəti tamamilə məhdudlaşdırılmayıb. Lakin bəzi istiqamətlərdə təhlükəsizlik məqsədi ilə mövsümi şinləri olmayan nəqliyyat vasitələri, yük avtomobilləri və avtobuslar alternativ yollara istiqamətləndirilir. Belə hallarda patrul avtomobilləri də həmin nəqliyyat vasitələrini təhlükəsiz hissəyə aparana qədər müşayiət edir”.

***

09.43

Respublikada ümümi olaraq məhdudlaşdırılan yol yoxdur.

Bu barədə APA-nın sorğusuna Baş Dövlət Yol Polisi İdarəsinin (DYP) Hərəkətin təhlükəsizliyinin təbliği ictimai qurumlarla əlaqələrin şöbəsinin rəisi, polis mayoru Rövşən Tağıyev məlumat verilib.

O bildirib ki, gecədən bəri bəzi rayonlarda qarın çox yağması ilə əlaqədar yol patrul xidmətinin bütün əməkdaşları gücləndirilmiş iş rejimində fəaliyyət göstərib:

“Təhlükəli yollarda avtomobillərin tək-tək hərəkətinə icazə verilməyib. Onlar kalon şəkilində hərəkət ediblər. Yol Polisi tərəfindən patrul təyin edilib və hərəkət edən kalonu müşahidə edib. Şamaxı-İsmayıllı yolunda isə yük avtomobillərin və sərnişin daşıyan avtobus, mikroavtobusların hərəkətinə icazə verilməyib. Onlara alternativ yol verilib. Patrulun müşahidəsi ilə hərəkət ediblər. Bundan başqa Azərbaycan Avtomobil Yolları Dövlət Agentliyi və Dövlət Yol Polisi əməkdaşları tərəfindən texnikalarla yollar qarlardan təmizlənir”.

DYP rəsmisi bir daha sürücülərə müraciət edərək bildirib ki, öncə nəqliyyat vasitəsinin texniki sazlığına diqqət yetirsinlər:

“Xahiş edirik ki, yola çıxan sürücülər təkərləri qış mövsümə uyğun eləsinlər. Çünki mövsümü təkərlərin olması avtomobillərin sürüşməsinə, yollarda qəzaların və yaxud tıxacların baş verməsinə gətirib çıxarır. Sürücülərdən bir daha xahiş edirik ki, yollarda təhlükəsizliyin təmin olunması üçün müraciətlərə diqqət yetirsinlər”.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR