Naxçıvan Ali Məclisinin sabiq deputatı və Naxçıvanda müxtəlif rəhbər vəzifələr tutmuş Nəsrulla Bayramova və daha bir neçə şəxsə qarşı dələduzluqda təqsirləndirilən Bağırov Elçin Səməd oğlunun cinayət işi üzrə ibtidai istintaq başa çatıb.
APA xəbər verir ki, təqsirləndirilən şəxs barəsində toplanan cinayət işi materialları baxılması üçün Bakı Ağır Cinayətlər Məhkəməsinə göndərilib.
Cinayət işi hakim Azər Paşayevin icraatına verilib.
Qeyd edək ki, Elçin Bağırov tikinti biznesi ilə məşğul olmaq adı ilə Nəsrulla Bayramovdan 230 min manat alaraq dələduzluq edib.
İş üzrə Nəsrulla Bayramovdan başqa daha 6 nəfər zərərçəkən şəxs qismində tanınıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
