Sabirabadda 6 yaşlı uşaq kimyəvi maddədən zəhərlənib
APA-nın Mil-Muğan bürosunun məlumatına görə, hadisə Sabirabad rayonunun Qaragüney kəndində qeydı alınıb.
Kənd sakini, 2017-ci il təvəllüdlü Muradova Zəhra Nüsrət qızı bitkilər üçün nəzərdə tutulan parazit əleyhinə kimyəvi maddədən zəhərlənib. Valideynləri 6 yaşlı uşağın saçlarında bitləri öldürmək üçün onun başına “Bİ-58” adlanan kimyəvi zəhər vurublar. Nəticədə kəskin zəhər olan həmin maddə uşağın baş dərisindən orqanizminə sovrulub. Vəziyyəti ağır olan uşaq toksikoloji zəhərlənmə diaqnozu ilə Şirvan şəhər xəstəxanasının reanimasiya şöbəsinə yerləşdirlib.
Qeyd edək ki, Bİ-58 insektisidi kənd təsərrüfatında zərərvericilərər qarşı tətbiq edilən güclü təsirə malik preparatdır. Qoruyucu vasitələrdən istifadə edilmədikdə ağır zəhərlənməyə səbəb olur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
