Naxçıvan Muxtar Respublikası Şahbuz rayonu Ağbulaq kəndində yol-nəqliyyat hadisəsi baş verib.
APA-nın Naxçıvan bürosu xəbər verir ki, hadisə bu gün qeydə alınıb. Babək rayonu Kültəpə kənd sakini, 1985-ci il təvəllüdlü Bağırov Mikayıl Həsən oğlunun idarə etdiyi yük maşını aşıb. Nəticədə, sürücü ağır bədən xəsarətləri alaraq Naxçıvan Muxtar Respublika Xəstəxanasının Travmatologiya şöbəsinə yerləşdirilib, vəziyyəti orta-ağırdır.
Faktla bağlı araşdırma aparılır.