Hadisə

Ana səhifə

Hadisə

Salyanda 3 ay əvvəl həmyerlisini qətlə yetirən şəxsin məhkəməsi başlayır

19 avqust 2022 10:22 (UTC +04:00)

Salyan rayon sakininin həmyerlisi tərəfindən xuliqanlıq niyyəti ilə öldürülməsi faktı ilə bağlı istintaq olunan cinayət işi tamamlanıb
Salyan rayon prokurorluğundan APA-ya verilən məlumata görə, bu il mayın 24-də Salyan rayonu ərazisində 1970-ci il təvəllüdlü Natiq Əhmədovun öldürülməsi faktı ilə bağlı başlanmış cinayət işinin ibtidai istintaqı tamamlanıb.

İstintaqla rayon sakini 1991-ci il təvəllüdlü İnsanağa Əsgərovun qeyd edilən tarixdə küçədə əvvəldən tanımadığı Natiq Əhmədova yaxınlaşaraq heç bir əsaslı səbəb olmadan kəsici-deşici alətlə müxtəlif nahiyələrinə xəsarətlər yetirərək qəsdən öldürməsinə əsaslı şübhələr müəyyən edilib.

İş üzrə toplanmış sübutlar əsasında İnsanağa Əsgərova Cinayət Məcəlləsinin 120.2.2-ci (xuliqanlıq niyyəti ilə adam öldürmə) maddəsi ilə ittiham elan edilib və cinayət işi baxılması üçün Lənkəran Ağır Cinayətlər Məhkəməsinə göndərilib.