Bu gün saat 15:00 radələrində Muğanlı-İsmayıllı yolunun 4-cü kilometrliyində, Şamaxı rayonu ərazisində ağır avtomobil qəzası baş verib.
APA-nın yerli bürosunun xəbərinə görə, İsmayıllı rayonu Zeybət kənd sakini, 1940-cı il təvəllüdlü Babayev Nəsib Əbülfəz oğlu 90-ME-312 dövlət nömrə nişanlı "VAZ 21015" markalı minik avtomobili ilə hərəkətdə olarkən idarəetməni itirib, maşın yoldan çıxaraq dərəyə aşıb.
Hadisə zamanı avtomobildə olan bir ailənin 5 üzvü –1940-cı il təvəllüdlü Babayev Nəsib Əbülfəz oğlu, 1995-ci il təvəllüdlü Babayeva Solmaz Ümid qızı, 2021-ci il təvəllüdlü Babayev Məhəmməd Şahin oğlu və onun azyaşlı bacısı, eləcə də uşaqların nənəsi xəsarət alıb. Yaralılar Şamaxı rayon Mərkəzi Xəstəxanasına aparılıb.
Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
