Şamaxıda ticarət mərkəzində yanğın olub

Şamaxıda ticarət mərkəzində yanğın olub
  • Clock-gray 13:11
  • calendar-gray 21 Sentyabr 2019

Şamaxı rayonunda ticarət mərkəzində güclü yanğın hadisəsi baş verib.

APA-nın yerli bürosunun xəbərinə görə, hadisə bu gün səhər saat 5:00 radələrində Şamaxı şəhərinin S.Ə.Şirvani küçəsində yerləşən, sahibkar, 1975-ci il təvəllüdlü Allahverdiyev Zaur Hüseyn oğluna məxsus ümumi sahəsi 400 kvadratmetr olan ikimərtəbəli “Şamaxı” Ticarət Mərkəzində baş verib. Yanğının söndürülməsi üçün əraziyə Fövqəladə Hallar Nazirliyi (FHN) Şamaxı və Qobustan Dövlət Yanğından Mühafizə hissələrinin 3 yanğınsöndürən avtomobili və canlı qüvvəsi cəlb olunub.

Ticarət obyektinin ikinci mərtəbəsində baş verən yanğın zamanı 200 kvadratmetrlik sahə, eləcə də oradakı müxtəlif ceşidli mallar yanaraq külə dönüb.

Yanğınsöndürənlər mağazanın birinci mərtəbəsindəki malları alovdan mühafizə ediblər. Hadisə gecə saatlarında baş verdiyi üçün xəsarət alan olmayıb.

Hadisənin hansı səbəbdən baş verdiyi məlum deyil.

Faktla bağlı araşdırma aparılır. 

Fövqəladə Hallar Nazirliyi hadisə ilə bağlı məlumat yaydın Nazirlikdən APA-ya verilən çəlumatda bildirilir ki, Şamaxı rayonunda ümumi sahəsi 400 m² olan ikimərtəbəli mağazanın 2-ci mərtəbəsinin yanar konstruksiyaları 200 m² sahədə və içərisində olan əşyalar yanıb. Mağazanın qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
 

Şahnəzər Bəşirov

Digər xəbərlər

Arxiv

date