Samux rayonunda sahibsiz itlər qoyun sürücünə hücum edib.
APA-nın yerli bürosunun məlumatına görə, hadisə rayonun Çobanabdallı kəndində baş verib.
Xeyli sayda sahibsiz itlər kənd sakini İltifat Abdullayevin təsərrüfatına hücum edərək bir baş xırda buynuzlu heyvanı və 7 ev quşunu parçalayaraq öldürüblər. Bundan başqa, itlər 11 qoyuna xəsarət yetiriblər. Hadisə vaxtı təsərrufat sahibi evdə olmayıb.
Əraziyə rayon Baytarlıq İdarəsinin əməkdaşları cəlb olunub.