Şəhid Səbuhi Əhmədovun qardaşı Sənan Əhmədova qarşı dələduzluq edilib.
APA xəbər verir ki, bu barədə onun dostu sosial şəbəkədə post paylaşıb. Bildirilib ki, Səbuhinin qardaşı Sənana xarici nömrədən zəng edilib. Zəngi edən şəxs bloger Hüseyn Həsənovun qohumu olduğunu qeyd edərək pul köçürmək üçün Sənandan hesab nömrəsi istəyib. Sənan hesab nömrəsini deyib. Daha sonra ondan mesajla göndərilən kodu deməsi istənilib. Kodu deyən kimi kart hesabındakı pullar çəkilib: "Zəngi edən şəxs Sənanın şəhid qardaşı olduğunu bilib və Azərbaycan dilində danışırmış. Zəng edilən nömrə: +7939803-81-83”
Daxili İşlər Nazirliyinin mətbuat xidmətinin KİV və ictimaiyyətlə əlaqələr şöbəsinin rəisi Elşad Hacıyev APA-ya məsələnin nəzarətə götürüldüyünü deyib: "Hazırda araşdırma aparılır, nəticəsi barədə məlumat veriləcək".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
