Şəmkirdə avtomobil qaçıran şəxs saxlanılıb.
APA-nın yerli bürosunun məlumatına görə, Şəmkir RPŞ-yə yanvarın 2-də saat 3 radələrində Dəllər qəsəbəsi ərazisindən qəsəbə sakini B.Babayevə məxsus "VAZ-2106" markalı avtomobilin qaçırılması barədə məlumat daxil olub. Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən qəsəbə sakini, əvvəllər məhkum olunmuş İ.Yusifov müəyyən edilərək saxlanılıb, avtomobil sahibinə qaytarılıb.
Faktla bağlı araşdırma davam etdirilir.