Şəmkirdə keçmiş həyat yoldaşının yaşadığı evi yandıran şəxs saxlanılıb - VİDEO

Şəmkirdə keçmiş həyat yoldaşının yaşadığı evi yandıran şəxs saxlanılıb - VİDEO
  • Clock-gray 12:43
  • calendar-gray 18 Avqust 2019

Şəmkir rayonu Sarıtəpə kəndində boşandığı həyat yoldaşının yaşadığı evi yandıran rayonunun Dəllərcəyir kənd sakini Elmar Sadıqov saxlanılıb.

APA-nın yerli bürosunun məlumatına görə, Şəmkir rayon Polis Şöbəsinin əməkdaşlarının keçirdiyi əməliyyat-axtarış tədbirləri nəticəsində saat 11..30 radələrində E. Sadıqov saxlanılıb.

Qeyd edək ki, ötən gecə saat 01.00 radələrində  Şəmkir rayon Sarıtəpə kəndində ev yandırılıb. Evi 3 ay əvvəl həyat yoldaşı Məsimova Mətanət İlqar qızından boşanmış Şəmkir rayonunun Dəllərcəyir kənd sakini Elmar Sadıqov yandırıb.  E. Sadıqov benzin çəlləyi ilə evə daxil olub, benzin tökərək evi yandırıb.

Yanğın zamanı 2017-ci il təvəllüdlü Sadıqov Nicat Elmar oğlu həyatını itirib, anası 1995-ci il təvəllüdlü Məsimova Mətanət İlqar qızı və nənəsi 1964-cü il təvəllüdlü Məmmədova Səltənət Allahverdi qızı xəsarət alaraq xəstəxanaya yerləşdiriliblər. M.Məsimovanın bədəninin 70, S.Məmmədovanın bədəninin 50 faizi yanıb. Vəziyyətləri ağır olan ana və qız xüsusi nəqliyyat vasitələri ilə Şəmkir Rayon mərkəzi Xəstəxanasından Bakıya yola salınıblar.

 

Fuad Nazimoğlu

Digər xəbərlər

Arxiv

date