Dünən saat 16 radələrində Sabirabad rayon sakini H.Cəfərovun "qarın boşluğunun kəsilmiş-deşilmiş" yarası diaqnozu ilə Şirvan Şəhər Mərkəzi Xəstəxanasına gətirilməsi barədə Şirvan Şəhər Polis Şöbəsinə məlumat daxil olub.
DİN-in Mətbuat Xidmətinin Şirvan regional qrupundan APA-nın Mil-Muğan bürosuna verilən məlumata görə, daxil olmuş məlumatla əlaqədar polis əməkdaşlarının keçirdikləri təxirəsalınmaz əməliyyat-axtarış tədbirləri nəticəsində zərərçəkənə xəsarət yetirən Şirvan şəhər sakini İlkin Əlizadə saxlanılaraq polis şöbəsinə gətirilib.
O, dindirilmə zamanı H.Cəfərovla aralarında yaranmış mübahisə zəminində xəsarət yetirdiyini bildirib.
Faktla bağlı Şirvan ŞPŞ-nin İstintaq Bölməsində araşdırmalar aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
