Tovuzda yol-nəqliyyat hadisəsi baş verib.
APA-nın yerli bürosunun xəbərinə görə, hadisə rayonun Aşağı Öysüzlü kəndində qeydə alınıb. 2005-ci il təvəllüdlü Tağıyev Röyal Həsən oğlunun idarə etdiyi "Khazar" markalı minik maşınının idarəetmədən çıxması nəticəsində avtomobil yoldan çıxaraq su kanalına düşüb.
Hadisə nəticəsində 4 nəfər - sürücü və 2005-ci il təvəllüdlü Qasımov Yaşar Elnur oğlu, 2005-ci il təvəllüdlü Qarayev Sənan Nazim oğlu, 2005-ci il təvəllüdlü Nəbiyev Süleyman Tofiq oğlu xəsarət alıb.
İlkin məlumata görə, qəzaya minik maşınının qarşısına it çıxması səbəb olub.
Faktla bağlı araşdırma aparılır.