Daxili İşlər Nazirliyi Tovuzda baş verən qəza ilə bağlı məlumat yayıb.
DİN-in Mətbuat xidmətinin Gəncə regional qrupunun baş inspektoru, polis baş leytenantı Eşqin Qasımov APA-nın yerli bürosuna bildirib ki, hadisə yerinə Tovuz RPŞ Dovlət Yol Polisi bölməsinin əməkdaşları cəlb olunub. Müvafiq təhlükəsizlik tədbirləri görülüb. Faktla bağlı araşdırma aparılır.
***
22.13
Tovuzda baş verən qəzada ölən və xəsarət alanların kimliyi məlum olub.
APA-nın yerli bürosunun məlumatına görə, ölən qadın rayonun Aşağı Quşçu kənd sakini 1966-cı il təvəllüdlü Tağıyeva Rəna Fərman qızıdır.
Xəsarət alanlar Aşağı Quşçu kənd sakini, 1963-cü il təvəllüdü Tağıyev Fərman Həsən oğlu, 2016-ci il təvəllüdlü Tağıyev Fərid Rahib oğlu və Qovlar şəhər sakini, 1995-ci il təvəllüdlü Əliyev Rəmzi Xanoğlan oğludur. Yaralıların vəziyyətinin kafi olduğu bildirilir.
Qeyd edək ki, qəzaya düşən Tağıyevlər bir ailənin üzvüləridir. Faktla bağlı araşdırma aparılır.
***
21.31
Tovuzda yol-nəqliyyat hadisəsi baş verib.
APA-nın yerli bürosunun məlumatına görə, hadisə rayonun Quşçu kəndində qeydə alınıb. Hərəkətdə olan 2 "VAZ" markalı avtomobil toqquşub.
Qəza zamanı bir qadın ölüb, 4 nəfər ağır yaralanıb. Hadisə yerinə DYP əməkdaşları cəlb olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
