Ucarda baş verən yol qəzasında xəsarət alanların sayı 6 nəfərə çatıb.
Kürdəmir Rayon Mərkəzi Xəstəxanasından APA-nın yerli bürosuna bildirilib ki, məlum qəza nəticəsində xəsarət alan 6 nəfər bir ailənin üzvləridir.
Xəsarət alanlar Bakı şəhər sakinləri - 2009-cu il təvəllüdlü Əhmədzadə Aysu Elmir qızı, 2015-ci il təvəllüdlü Əhmədzadə Ələddin Elmir oğlu, 2013-cü il təvəllüdlü Əhmədzadə Alin Elmir qızı, 1982-ci il təvəllüdlü Əhmədov Elmir Vaqif oğlu, 1988-ci il təvəllüdlü Əliyeva Şəbnəm Ələddin qızı və Mingəçevir sakini, 1958-ci il təvəllüdlü Rəhimova Gültəkin Kərim qızıdır. Xəstəxanadan verilən məlumata görə, Ə.Əhmədzadə və G.Rəhimovanın vəziyyəti ağır olduğundan, hər iki yaralı travmatologiya şöbəsinə yerləşdiriliblər. Həkimlər digər yaralıların vəziyyətini orta-ağır qiymətləndirirlər.
***
Saat 11:58
Ucarda yol qəzası baş verib.
APA-nın yerli bürosunun verdiyi xəbərə görə, hadisə Bakı-Qazax yolunun Ucar rayonunun Müsüslü kəndi ərazisindən keçən hissəsində qeydə alınıb.
Gəncə istiqamətində hərəkətdə olan “Chevrolet” markalı avtomobil yoldan çıxaraq su kanalına düşüb. Nəticədə avtomobildə olan 3 nəfər xəsarət alıb.
Yaralılar xəstəxanaya yerləşdirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
