Bakıda yaşayış binasının qarşısında yanğın baş verib.
FHN-dən APA-ya verilən məlumata görə, Bakı şəhərinin Yasamal rayonunda çoxmərtəbəli yaşayış binasının qarşısında açıq ərazidə 30 m² sahədə quru ot, məişət tullantıları, 8 ədəd kabel barabanının taxta üzlüyü və barabana dolanmış kabellər qismən yanıb. Digər kabel barabanları yanğından mühafizə olunub. Yanğın yanğından mühafizə bölmələri tərəfindən söndürülüb.